MESSAĠĠ TAL-KAPPILLAN

Għeżież,

Nagħtikom merħba f'dan is-sit tal-Parroċċa Kristu Re www.paolakristure.com .

Nittama li b'dan is-servizz nistgħu nkunu ta' għajnuna għalikom kemm f'dik li hija informazzjoni aġġornata dwar il-ħajja pastorali tal-Parroċċa fis-servizzi u l-attivitajiet kollha tagħha, u kemm bl-informazzjoni aġġornata tal-ħidma intensa ta' xogħlijiet neċessarji ta' restawr li qiegħed isir fil-knisja   parrokkjali u fil-knisja ta' Sant' Ubaldeska li hi l-ewwel knisja parrokkjali ta' Raħal Ġdid.

Se nippruvaw ukoll li nagħtukom rapportaġġ aġġornat taċ-ċelebrazzjonijiet li ser isiru tul is-Sena Ċentinarja tal-Parroċċa minn Novembru 2009 sa Novembru 2010.

J'Alla dan il-mezz meraviljuż ta' komunikazzjoni jkun strument f'idejna ħalli ngħixu fl-għaqda bejnietna, aħna li lkoll nagħmlu parti mill-poplu t'Alla fil-parroċċa ta' Kristu Re, u intom, li għalkemm forsi m'intomx tgħixu f'Raħal Ġdid, jinteressakom li tkunu tafu u tipparteċipaw magħna f'dak kollu li niċċelebraw fil-Parroċċa.

Kristu Sultan tagħna jberikkom.

Kan Dun Vinċenz Cachia

Kappillan

X'INHI PARROĊĊA...

“Il-Parroċċa bħala ċentru ta’ evanġelizzazzjoni tkompli tkun valida u meħtieġa (għax) hija l-post fejn l-Isqof hu rappreżentat mill-Kappillan (kif ukoll) il-post fejn issir il-laqgħa ma’ Kristu Ħaj, xhud ta’ Ommna l-Knisja li dejjem tfittex u tieħu ħsieb ’l uliedha.”   -  Is-Sinodu ta’ l-Isqfijiet

AKTAR GĦAJNUNA GĦALIK...

Ä Liturġija tal-Ħadd

Ä Pjan Pastorali 2009-2011

Ä L-Arċidjoċesi ta' Malta

IL-PARROĊĊA KRISTU RE - PAOLA

INFORMAZZJONI ĠENERALI

Raħal Ġdid sar parroċċa għalih fl-1910 u dak iż-żmien il-knisja parrokkjali kienet dik ta' Santa Ubaldeska, li l-Gvern kien taha lill-Knisja: avolja saret estenzjoni, baqgħat żgħira wisq għan-nies li bdew imorru joqogħdu f'Raħal l-Ġdid u għalhekk inbniet knisja ġdida li ġiet dedikata lil Kristu Rè.

DATA TA' DEDIKAZZJONI

3 ta' Ġunju 1967

NUMRU TAL-PARRUĊĊANI  
7,030

NUMRU TAL-FAMILJI  
2,685

PRESBITERJU PARROKKJALI   
Kan Dun Vincenz Cachia,  Kappillan
Kan Dun Mario Agius
Dun Vinċenz Deguara
Mons Edgar Attard
Dun Tito Sammut

Dun Keith Scicluna
Patri Herbert Friggieri S.J.